آج سُتیاں آساں جاگ پیاں طیبہ دیاں یاداں آیاں نے
مینہہ رج رج ورھیا اکھیاں چوں اجے غم دیاں بدلیاں چھایاں نے
محبوب مدینے والڑیا اک دید دا جام پلا دیویں
ہنجواں وچ ڈب کے وی اکھیاں ترہایاں سن ترہایاں نے
اُس تھاں تے قدسی جُھکدے نے اُس تھاں نوں عاشق چُمدے نے
طیبہ دے ماہی نے جتھے اک واری تلیاں لایاں نے
هر آون والے لمحے وچ ودھ جاندے رتبے سوہنے دے
ہر گھڑی چ شاناں آپ دِیاں ہو جاندیاں دُون سوایاں نے
رب اپنے کُل خزانیاں دا مالک محبوب نوں کر دیتا
سب کنجیاں غیب حضور دیاں سوہنے دے ہتھ پھڑایاں نے
کی میرے مدنی ڈھولے دی اکھیاں توں اوہلے ہو سکدا
جد اوہدے نُور چوں اللہ نے مخلوقاں کُل بنایاں نے
ناں رکھ کے احمد عرشاں تے ، ناں رکھ محمد فرشاں تے
سب شانان صائم اللہ نے محبوب دے ناویں لایاں نے
شاعر کا نام :- علامہ صائم چشتی
کتاب کا نام :- کلیات صائم چشتی