ایتھے اج کملی والے دا ذکر اذکار ہووے گا
خدا شاہد خدا دی شان دا اظہار ہووے گا
اوہنوں وچ حشر دے اللہ میرے نے بخش دیناں ایں
جیہدے دل وچ محمد مصطفیٰ دا پیار ہووے گا
میرے آقا میرے مولیٰ وہ دن بختاں دا کداوانائیں
جدوں ایہہ غم دا مارا حاضر دربار ہووے گا
میں دیکھا قافلے جاندے تیرے دربار مدتاں توں
حکم میرے لئی طیبہ دا کد سرکار ہووے گا
یقیناً بزم دے اندر میری سرکار آئے نیں
پر نظراں والیاں نوں آپ دا دیدار ہووے گا
اے کملی والیاں کمی نوں وچ کملی دے کج لیناں
گرم جس دم حشر تے نشر دا بازار ہووے گا
نیازیؔ خوف کی سانوں بھلا دوزخ دی گرمی دا
ساڈا کملی والا حشر دا مختار ہووے گا
شاعر کا نام :- عبدالستار نیازی
کتاب کا نام :- کلیات نیازی