اج کیف دی بارش ہندی اے آج نہراں وگن سرور دیاں

اج کیف دی بارش ہندی اے آج نہراں وگن سرور دیاں

جہدے نُور تھیں بنیاں کل عالم آج آمداں نے اُس نُور دیاں

---

آج جلكيا عرش معلی اے ، دھرتی دا بھارا پلا اے

مائی آمنہ پاک دے گھر ولے ، جھک گئیاں گھاٹیاں طور دیاں

---

آج آمنہ مائی تر گئی اے ، جہدی نُور تھیں جھولی بھر گئی اے

جہدے گھر نوں سلاماں ہون پیاں ، جنت دی ہر اک حور دیاں

---

آج لگ گئے بھاگ حلیمہ نُوں ، آج مل گیا چین یتیماں نوں

دل کنب گئے جاناں نکل گئیاں ، آج ہر جابر مغرور دیاں

---

سب دُور ہنیرا ہو جاوے ، ہر طرف سویرا ہو جاوے

جے ملک چ کرناں آجاون ، چن عربی دے دستور دیاں

---

اوتھے نور خدا دا ورھدا اے ، اوتھے فلک سلاماں کر دا اے

جتھے پڑھئے نعت محمد دی ، جتھے محفلاں ہون حضور دیاں

---

میرے آقا کملی والے دی ، اوتھوں شان دا ہے آغاز ہندا

مک جاندیاں جتھے ہن صائم، سب حداں عقل شعور دیاں