عرب دے راہی عرب دی ٹھنڈی ہوا نوں میرا سلام آکھیں
کدی تے آوے پیام لے کے صبا نُوں میرا سلام آکھیں
در محمد تے سر جُھکا کے تے ساری حسرت دِلی مِٹا کے
درود پڑھدا رہویں تے نُور خُدا نُوں میرا سلام آکھیں
جاں ہو وے آقا دے در حضوری جاں ویکھیں روضے دے جلوے نوری
بہا کے اتھرو تُوں جنتاں دی فضا نوں میرا سلام آکھیں
تڑپ تڑپ کے مچل مچل کے قدم قدم تے سنبھل سنبھل کے
شہ دو عالم دے در دے ہر اک گدا نُوں میرا سلام آکھیں
توں جا کے جنت بقیع دے ولے نگاہواں رکھیں جھکا کے تھلے
تے میرے آقا دی بیٹی خَیرالنساء نُوں میرا سلام آکھیں
جو ویکھ چلیا ایں اکھیں ساری سُناویں صائم دی آه و زاری
خُدا دے ماہی تے میرے ماہِ لقا نُوں میرا سلام آکھیں
شاعر کا نام :- علامہ صائم چشتی
کتاب کا نام :- کلیات صائم چشتی