گھر سخیاں دے کال نئیں کوئی
تیرے جیہا لج پال نئیں کوئی
رکھیں میں ول نظر کرم دی
میرا ہور سوال نئیں کوئی
عزتاں نعت دے صدقے ملیاں
اپنا یار کمال نئیں کوئی
جنہوں عشق دی دولت مل گئی
اوہدے جیہا خوشحال نئیں کوئی
جے نہ سوہنیاں کرم کماویں
پھیر اساڈا حال نئیں کوئی
جتھے پہنچوں توں محبوبا
رلیا تیرے نال نئیں کوئی
ہر دم گیت نبی دے گاواں
اوندا ہور خیال نئیں کوئی
کون نیازی سوہنے ورگا
اوہدی مثل مثال نئیں کوئی
شاعر کا نام :- عبدالستار نیازی
کتاب کا نام :- کلیات نیازی