کملی والے دے نوروں پیدا دو جگ ہوئے
اوہو ای چن وچ چمکے اوہدی تاریاں چہ لو اے
چُمے آپ دے جوڑے غوثاں قطباں تے ولیاں
ودھ عرشاں توں شاناں پایاں طیبہ دیاں گلیاں
اوہناں منگتیاں لئی بُوہے اپنے کدی وی نہیں ڈھوئے
گل رب دی اے ہندی جو وی نبی سوہنا بولے
اوہدی پاک نگاہ توں کوئی چیز نہیوں اوہلے
اوہدے سامنے ہے بنیا کائنات وچ جو اے
روندے چن تے ستارے پیاں جنگلیں پکاراں
ہاواں مار دے سی پتھر نالے روندیاں سی غاراں
اُمّت واسطے سی جا کے جدوں غاراں وِچ روئے
سوہنا دُشمناں دے تھلے چادر اپنی وچھاوے
صائم جہیاں کوہجیاں نوں سوہنا گل نال لاوے
خُلقوں کورے تے کالے اگے لڑی چہ پروئے
شاعر کا نام :- علامہ صائم چشتی
کتاب کا نام :- کلیات صائم چشتی