کرو ہن میرے درداں دا وی چارا یا رسول الله
بلاؤ مینوں روضے تے خدارا یا رسول الله
دلاں تے راج ترا اے ہر اک محتاج تیرا اے
دو عالم دا تیرے در تے گذارا یا رسول اللہ
میری بے چین آکھیاں نوں کدی تے چین آجاوے
کدی تے خواب وچ ہووے نظارا یا رسول اللہ
قدم چمے نے چن آ کے تے رکھ آئے سلامی لئی
تساں جد وی کدی کیتا اشاره یا رسول الله
بلا کے عرش تے اللہ نے سارے رسولاں چوں
تیری عظمت دا خود کیتا نتارا یا رسول اللہ
بھرو یاداں دے پھلاں نال دامن دل دے گلشن دا
چمن مہکے میرا سارے دا سارا یا رسول الله
کھڑا جبریل وی اے دست بستہ تیری چوکھٹ تے
دو عالم توں تیرا افضل دوارا یا رسول اللہ
تیرے گنبد نوں ساری رات چم چم نال کرناں دے
تیرے پڑھدا قصیدے تارا تارا یا رسول الله
تیرے ناں دے سہارے تے نیازی موج کردا اے
تیرے ٹکڑے تے ہے میرا گزارا یا رسول اللہ
شاعر کا نام :- عبدالستار نیازی
کتاب کا نام :- کلیات نیازی