کیہ میری اوقات کریماں
اچی تیری ذات کریماں
جیری وچ مدینے گزری
بھلنی نہیں اوہ رات کریماں
اپنے لالاں دا سر صدقہ
بدل میرے حالات کریماں
جے توں آ جاویں گھر میرے
میری بن جائے بات کریماں
کتڑا سمجھ کے اپنے در دا
پا دیویں خیرات کریماں
سک نہ جاوے آس دی کھیتی
رحمت دی برسات کریماں
دیس دے دشمن دیس دے ولے
لائی بیٹھے گھات کریماں
میرے ویہٹرے وچ وی پاجا
اپنے کرم دی جھات کریماں
میرے سر توں ٹلدی ناہیں
غم دی کالی رات کریماں
کریں قبول نیازی ولوں
نعتاں دی سوغات کریماں
شاعر کا نام :- عبدالستار نیازی
کتاب کا نام :- کلیات نیازی