خدا نے بخشیا اے یار سوہناں
غماں نوں مل گیا غم خوار سوہناں
جیویں سوہنے جیہا کوئی نہیں سوہناں
اونویں سوہنے دا ہے دربار سوہناں
کسے دے نال کیوں دیواں مثالاں
کوئی نئیں تیں جیها سرکار سوہناں
مسیحا ہووے جیہدا کملی والا
اوہ پل وچہ ہووندا بیمار سوہناں
میرے مک جان گے عمراں دے رونے
جے کر دیوے کرم اک وار سوہناں
اوہ خود سوہنے اونہاں دے لیکھ سوہنے
جنہاں کیتا تیرا دیدار سوہناں
جو مر مٹدا اے ناموس نبی توں
قسم رب دی اوه اوگنہار سوہناں
ابوبکر و عمر، عثمان و حیدر
میرے سوہنے دا ہر اک یار سوہناں
میں کی ساں کی میری اوقات ہیسی
کرم کیتا بنی مختار سوہناں
جنہاں حداں نوں کوئی چھو نہیں سکدا
اوه حداں کر گیا اے پار سوہناں
میرے ترلے نیازی لین ترلے
مدینے سر لوے دن چار سوہناں
شاعر کا نام :- عبدالستار نیازی
کتاب کا نام :- کلیات نیازی