محبوب مدینے والے دے دربار توں ملدا ہر ویلے
گل چھوڑ سویرے شاماں دی سرکار توں مِلدا ہر ویلے
دربار خُدائے واحد دا ، دربار مدینے والے دا
لاریب خُدا دے ماہی دے دربار توں ملدا ہر ویلے
رب آپ بنایا دو جگ دا مختار مدینے والے نوں
لکھ ہون سوالی دو جگ دے مُختار توں ملدا ہر ویلے
آبن مہمان مدینے دا کشکول بنا لے دل تائیں
پھر دیکھ رسولاں نبیاں دے سردار توں ملدا ہر ویلے
اک جان علی تے میں دونوں فرمان نبی نے کیتا اے
محبوب الہی تے حیدر کرار توں ملدا ہر ویلے
ہے شان نرالی پنجتن دی کونین سوالی پنجتن دی
سب آل نے صائم پنجتن دی سرکار توں ملدا ہر ویلے
شاعر کا نام :- علامہ صائم چشتی
کتاب کا نام :- کلیات صائم چشتی