بے یار تے بے وس دے مددگار تُسی او
غم کھاہدی ہوئی جان دے غم خوار تُسی او
کوڑا نہیں لگیا کدی سچ جس دی زبانوں
منیا اے زمانے نے اوہ سچیار تُسی او
سَبھ عظمتاںن سرکارؐ نوں ای سوہبدیاں نیں
دو جگ دیاں سرداراں دے سردار تُسی او
لگیاں ہویاں جس دل نیں جہاناں دیاں نظراں
سرکارؐ تُسی او میری سرکار تُسی او
جِس پاروں اے دل زندہ اوہ چاہت ہے تساڈی
جس وِچ اسیں وَسنے آں اوہ سنسار تُسی او
گل بات کوئی مینوں بناں نعت نہ سُجھے
میرے تے خیالاں دے وی مختار تُسی او
شاعر کا نام :- حفیظ تائب
کتاب کا نام :- کلیاتِ حفیظ تائب