محمد حبیب خُدا مل گیا اے
نبی سرور انبیاء مل گیا اے
ناں کیوں میری ہر لوڑ ہو جاوے پوری
زمانے دا حاجت روا مل گیا اے
گنہ گارو خُوشیاں مناؤ تُسیں وی
محمد شفیع الوری مل گیا اے
عجب اہلِ سُنت دی چمکی اے قسمت
کہ جس تائیں ہر آسرا مل گیا اے
ملی سب صحابہ دی مدحت سرائی
تے ہر اک ولی دلرباء مل گیا اے
محمد محمد کراں ورد صائم
وظیفہ عجب جانفزا مل گیا اے
شاعر کا نام :- علامہ صائم چشتی
کتاب کا نام :- کلیات صائم چشتی