نبیوں میں نبی آپ سا دیکھا نہیں کوئی

نبیوں میں نبی آپ سا دیکھا نہیں کوئی

اللہ کے محبوب سے بالا نہیں کوئی

---

کس پر نہیں آقا کا کرم کوئی بتائے

اللہ کی قسم ایسا تو دیکھا نہیں کوئی

---

مانا کہ حسین اور بھی دنیا میں ہیں لاکھوں

محبوب خدا جیسے ہیں ایسا نہیں کوئی

---

اچھا ہے وہی جس کو ہے سرکار سے نسبت

جو ان کا ہوا ان سے پھر اچھا نہیں کوئی

---

ہے آپ کے سائے میں جہاں آج بھی قائم

میں کیسے کہوں آپ کا سایہ نہیں کوئی

---

اس در کی گدائی پہ شہنشاہی ہے نازاں

وہ منگتا ہوں شاہوں میں بھی مجھے سا نہیں کوئی

---

جس راہ سے محبوب خدا عرش پہ پہنچے

اس راہ سے پہلے کبھی گذرا نہیں کوئی

---

ہر چیز میں سرکار کا جلوہ ہے نیازی

گر دیکھنے والا ہو تو پردہ نہیں کوئی