قرض تیرے پیار دا آقاؐ اتاراں کس طرح
بلدا سینہ تیری امَت دا مَیں ٹھاراں کس طرح
میرے جذبے پچھے جد کوئی عمل دا زور نہیں
لیکھ فر اپنی لوکائی دے سواراں کس طرح
نت نویں رولے دے وخ جنہاں نوں بھلے آں اسیں
اوہناں بنیاداں تے دیس اُساراں کس طرح
مَیں خزانے تیرے توں آقاؐ کدوں جھولی بھری
سُچے موتی خُلق دے جگ وچ کھلاراں کس طرح
اپنے ربّ نوں عرض کر بدلے اوہ ساڈے رات دن
نہیں تے چن سورج نویں سجرے ابھاراں کس طرح
لفظاں وچ کیویں سمیٹاں قوم دے دُکھ درد نوں
چج نہیں مینوں کوئی تینوں پکاراں کس طرح
شاعر کا نام :- حفیظ تائب
کتاب کا نام :- کلیاتِ حفیظ تائب