تینوں چم چم اکھیاں تھیں لاواں نی چٹھئے مدینے دئیے
تیرے آون توں واری واری جاواں نی چٹھئے مدینے دئیے
میرے گھر توں آویں جاویں میرے دل دی پیاس بجھاوے
تیتھوں واری صد تڑے جاواں نی چٹھئے مدینے دئیے
میں کملے تے کرم کمایا گھر میرے توں پھیرا پایا
تیریاں تکدا ساں روز میں راہواں نی چٹھئے مدینے دئیے
ٹھر گیا میرا سڑدا سینہ تک ساں جا کے شہر مدینہ
ہویاں تیریاں انج عطاواں نی چٹھئے مدینے دئیے
شکر ہے توں آج پھیرا پایا میں تتڑی دا مان ودھایا
تینوں وچ فریم سجاواں نی چٹھئے مدینے دئیے
بھلئے ہون بھلے سرکاروں ملن انعام تینوں درباروں
تینوں دیواں کی ہو دعاداں نی چٹھئے مدینے دئیے
تیرے سو سو ناز اٹھاواں تینوں چماں سینے لاواں
تینوں لگن نہ تتیاں ہواواں نی چٹھئے مدینے دئیے
کرم دیاں ہویاں برساتک سنیاں گیاں میریاں باتاں
پڑھاں نفل نے شکر بجاواں نی چٹھئے مدینے دئیے
دیکھ کے تیری کرم نوازی چاؤندا اے بس ایہو نیازی
تینوں سوہنے دی نعت سناواں نی چٹھئے مدینے دئیے
شاعر کا نام :- عبدالستار نیازی
کتاب کا نام :- کلیات نیازی