یہ مرا قول نہیں یہ تو ہے غفار کی بات

یہ مرا قول نہیں یہ تو ہے غفار کی بات

وہ بناتے ہیں تو بنتی ہے گنہگار کی بات

---

میں نے مانا مری جھولی ہے عمل سے خالی

لیکن اونچی ہے بُہت میرے طر قدار کی بات

---

وہ مرے دل کے دھڑکنے کی صدا سنتے ہیں

کون اس طرح سنتا ہے طلبگار کی بات

---

اعتماد انکے کرم پر ہے نہ جانے کتنا

دید کی تاب نہیں کرتا ہوں دیدار کی بات

---

حق کے محبوب ہیں مطلوب ہیں مقصود بھی ہیں

کبھی ٹلتی ہی نہیں احمدِ مختارؐ کی بات

---

ہے یہی رحمتِ عالمؐ کے غلاموں کا نشاں

دشمنوں سے بھی کیا کرتے ہیں وہ پیار کی بات

---

جب حضوری میں بدل جاتی ہے دوری دل کی

منکشف ہوتی ہے پھر عالمِ اسرار کی بات

---

مضطرب ہے نہ شفا اور دوا کا طالب

ساری دنیا سے الگ ہےترے بیمار کی بات

---

دل کا عالم ہی بدل جاتا ہے اللہ غنی ،

چل نکلتی ہے جہاں احمدِ مختارؐ کی بات

---

اشک جب دیتے ہیں دستک تو سنی جاتی ہے

کسی بیکس کی ہو فریاد کہ نادار کی بات

---

جو بھی پہنچا یہی کہتا ہوا آیا خالدؔ

واہ کیا بات ہے آقاؐ ترے دربار کی بات