ہے جنت دا سوہنا نشاں اللہ اللہ
محمد دا سوہنا گراں اللہ اللہ
اوہدے بول مصری دے شیرے توں شیریں
اوہ سوہنے دی شیریں زباں اللہ اللہ
ہے مشکل کشا اتے رحمت سراپا
میرے کملی والے دا ناں اللہ اللہ
ادہ مالک کل اے تے ختم رسل اے
ہے دوہاں جہاناں دی جاں اللہ اللہ
جہیڑی تھاں تے وسد اے امت دا والی
ہے عرشاں توں افضل اوہ تھاں اللہ اللہ
جتھے ملدی تسکین ٹٹیاں دلاں نوں
اوه گنبد خضری دی چھاں اللہ اللہ
پڑھے جس دیاں جگ نعتاں نیازی
زباں میرا اوہدا بیاں اللہ اللہ
شاعر کا نام :- عبدالستار نیازی
کتاب کا نام :- کلیات نیازی