تری ذات ہے بیشک لاثانی

تری ذات ہے بیشک لاثانی

یاغوث الاعظم جیلانی

---

کرو دوُر یہ میری حیرانی

یا غوث الاعظم جیلانی

---

مجھے رنج و اَلم نے گھیرا ہے

اک آسرا ہے تو تیرا ہے

---

ترے ہوتے ہو کیوں یہ پریشانی

یا غوث الاعظم جیلانی

---

بیتاب ہے دل ناشاد ہے دل

ناکام ہے دل برباد ہے دل

---

کب تک یہ رہے گی ویرانی

یا غوث الاعظم جیلانی

---

گر قابل ہوں تو تیرا ہوں

نا قابل ہوں تو تیرا ہوں

---

کر لینا قبول ثنا خوانی

یا غوث الاعظم جیلانی

---

اعظؔم کو نہیں دولت کی ہوس

عظمت کی ہوس شوکت کی ہوس

---

ملے آپ کے در کی دربانی

یا غوث الاعظم جیلانی