Who wrote the lyrics "اب اس منزل پہ عمر مختصر ہے"?

حنیف اسعدی is the poet who wrote the lyrics of "اب اس منزل پہ عمر مختصر ہے."

In which book are the lyrics "اب اس منزل پہ عمر مختصر ہے" written?

These lyrics are included in the book "ذکرِ خیر الانام."

The lyrics are written in urdu.

"اب اس منزل پہ عمر مختصر ہے" is categorized as a naat.

اب اس منزل پہ عمر مختصر ہے

سفر میں ہوں مدینہ ہمسفر ہے

مِلا ہے مجھ کو پھر اذنِ حضوری

کرم مجھ پر ہے اور بارِ دگر ہے

اطاعت کے لئے وہ ذاتِ اقدسؐ

خدا کے بعد سب سے معتبر ہے

لگن ہو تو درِ اقدس ہے کیا دُور

درُونِ قلب بھی اک رہگزر ہے

مرے آقاؐ کی مجھ پر ہیں نگاہیں

مری اپنی خطاؤں پر نظر ہے

طریقت‘ مسندِ حلقہ بگوشاں

شریعت‘ جادۂ خیر البشرؐ ہے

رسالت کے بہت منصب ہیں لیکن

رسالت اصل میں حق کی خبر ہے

یہ میرے دور کی ہے کم نصیبی

بشر بیگانۂ خیر البشرؐ ہے

حنیفؔ احمد ہے اس نسبت پہ نازاں

کہ اس کا نام اُنؐ کے نام پر ہے