اوہدی دل نُوں تانگھ بیتری اے
جہدی ازلوں شان اُچیری اے
ربّا وصل دے وچ کِیہ دیری اے
اَج سِک مِتراں دی ودھیری اے
کیوں دِلڑی اُداس گھنیری اے
لُوں لُوں وِچ شوق چنگیری اے
اَج نیناں لایاں کیوں جھڑیاں
فُرقت دی رات لمبیری اے
جُھلَی غم دی لال ہَنیری اے
کِیہ رحمت دے وِچ دیری اے
اَج سِک مِتراں دی ودھیری اے
کیوں دِلڑی اُداس گھَنیری اے
لُوں لُوں وِچ شوق چنگیری اے
اَج نیناں لایاں کیوں جھڑیاں
کَالَمَمِطٗرِ بَکْتُ لِرُؤیَتِہٖ
فِی النّوْمِ حَضَرْتُ بِحَضْرَتِہٖ
فَخَضَعْتُ الرَّأسَ لِعِزَّتِہٖ
اَلطَّیْفُ سَرٰی مِنْ طَلْعَتِہٖ
وَالشَّذْ وُ بَدٰی مِنْ وَّفُرَتِہٖ
فَسَکَرْتُ ہُنَا مِنْ نَّظْرَتِہٖ
نیناں دیاں فوجاں سِر چڑھیاں
اوہ رات سُہانی چَن ورگی
مِٹھی خواب، تے اوہ حمرا وادی
کیہ تکیا اچانک مَیں عاصی
اَلطَّیُفُ سَرٰی مِنْ طَلْعَتِہٖ
وَالشَّذوُ بَدٰی مِنْ وَّفْرَتِہٖ
فَسَکَرْتُ ہُنَا مِنْ نَظْرَتِہٖ
نیناں دیاں فوجاں سِر چڑھیاں
اوہدے ہتھ مُہار زمانی اے
اوہدی دو جگ تے سُلطانی اے
اَیتھے گُم عقلِ انسانی اے
مُکھ چند بدر شعشانی اے
مَتّھے چمکے لاٹ نُورانی اے
کالی زُلف تے اکھ مستانی اے
مخمور اکھیں ہِن مدھ بھریاں
جُبّہ توحیدی زیب تن
متھے تاجِ رسالت ضَو افگن
موہڈے زلف، جیون چڑھیاں ساون
دو ابرو قوس مثال دِسَن
جَیں تھیں نوکِ مِژہ دے تیر چھُٹن
لبّاں سُرخ آکھاں کہ لعلِ یمن
چِٹّے دند موتی دیاں ہِن لڑیاں
اِنہوں ہستی دا عنوان آکھاں
رب سَچّے دی بُرہان آکھاں
یاں اکھیاں دا قُران آکھاں
اِس صُورت نُوں مَیں جان آکھاں
جانان کہ جانِ جہان آکھاں
سچ آکھاں تے رب دی شان آکھاں
جس شان تِھیں شاناں سب بنیاں
قامت موزوں، تے ٹور حَسیں
مازاغ نظر ، والشّمس جبیں
جنہوں دیکھیاں آوے رب تے یقیں
اِیہہ صُورت ہے بے صُورت تِھیں
بے صُورت ظاہر صُورت تھِیں
بے رنگ دِسے اِس مُورت تِھیں
وِچ وحدت پھُٹیاں جد گھٹریاں
جیویں لفظاں وچ مخفی معنیٰ
جیویں قطرے وچ لَشکے دریا
ہے رنگ اِس دا بے رنگ نُما
دَسّے صُورت رَہ بے صُورت دا
توبہ رَہ کیہ عَین حقیقت دا
پَر کَم نہیں بے سُوجھت دا
کوئی وِرلیاں موتی لَے تَریاں
ایہدے حُسن دا پر تو شمس و قمر
ایہدے متوالے بُو بکرؓ و عمرؓ
ایہا رکھسی لاج لَحَد اندر
ایہا صُورت شالا پیشِ نظر
رہے وقتِ نزع تے روزِ حشر
وِچ قبر تے پُل تھیں ہوسی گُزر
سب کھوٹیاں تِھیسن تد کھریاں
جامہ رحمت والا راس تُسان
کیتا دل نہ کِسے دا اُداس تُساں
ساری اُمّت دا احساس تُساں
یُعْطِیْکَ رَبُّکَ داس تُساں
فَتَرْضٰی تِھیں پوری آس اَساں
لَج پال کریسی پاس اَساں
وَاشْفَعْ تُشَفَّعْ صحیح پڑھیاں
اَج پالیا کیہا لباس تُسا
ساڈے لُٹ لئے ہوش حواس تُساں
اَساں گندیاں مَندیاں دا پاس تُساں
یُعْطِیْکَ رَبُّکَ داس تُساں
فَتَرْضٰی تِھیں پوری آس اَساں
لَج پال کریسی پاس اَساں
وَاشْفَعْ تُشَفَّعْ صحیح پڑھیاں
بھرو سِکدیاں اکھیاں دا دامن
میرا اُجڑے نہ آساں دا گُلشن
کرو کرم طُفیلِ اُویسِؓ قَرَن
لاہو مُکھ توں مُخَطّط بُردِ یَمن
مَن بھانوری جھلک دکھاؤ سجن
اوہا مِٹھیاں گالیں الاؤ مِٹھن
جو حمرا وادی سَن کریاں
سُتّے بھاگ اکھیں دے جگاؤ ڈھولن
مُکھ عاشقاں نوں دِکھلاؤ ڈھولن
پھیرا رحمت والا پاؤ ڈھولن
حُجرے تِھیں مسجد آؤ ڈھولن
نُوری جھات دے کارن سارے سِکن
دو جگ اکھیاں رَہ دا فرش کرن
سب اِنس و ملک حُوراں پریاں
اِنہاں جالیاں دے ول آندیاں تے
اِنہاں مُڑ مُڑ جھاتیاں پاندیاں تے
انہاں جھڑکاں، ماراں کھاندیاں تے
اِنہاں سِکدیاں تے کُر لاندیاں تے
لکھ واری صدقے جاندیاں تے
اِنہاں بردیاں مُفت و کاندیاں تے
شالا وت آون اوہ گھڑیاں
کیہ جِنّ و بشر، کیہ شاہ و گدا
ڈِٹّھی جس وی نصیرؔ اوہ شانِ خُدا
اُڈّے ہوش تے مونہوں بول اُٹھیا
سُبْحَانَ اللّٰہ مَا اَجْمَلَکَ
مَا اَحْسَنَکَ مَا اَکْمَلَکَ
کِتّھے مہرؔ علی کِتّھے تیری ثنا
گُستاخ اکھیں کِتّھے جا اَڑیاں
شاعر کا نام :- سید نصیرالدیں نصیر
کتاب کا نام :- دیں ہمہ اوست