اللہ دیا پیاریا محبوبا تیری دو جگ تے سلطانی ایں
تیرا فرش دے اُتے بوریا اے تیری عرش اُتے مہمانی ایں
تیرے ہتھاں دا کِتے ذکر شہا کِتے تذکرہ تیریاں زلفاں دا
تیری شان چہ نعتاں پئی پڑھدی ہر اک آیت قرآنی ایں
ما زاغ دا اکھیاں وچ کجلا یٰسین دے دند تے لب یوحٰی
والفجر تیرے رخسار دونویں والشمس تیری پیشانی ایں
تینوں امت دا غمخوار آکھاں تینوں نبیاں دا سردار آکھاں
تیرے در دی کیتی اے آقا جبریل جہیاں دربانی ایں
تیری شان بلند خیالاں توں تیری ذات ہے پاک مثالاں توں
تیری ذات صفات دے وچ آقا نہ کوئی تیرا ثانی ایں
دم دم دم گٹھدے جاندے نے چا ہوندا اے نیازی بس ایہو
تیری نعت سناؤندیاں لنگھ جاوے جہیڑی دو دن دی زندگانی ایں
شاعر کا نام :- عبدالستار نیازی
کتاب کا نام :- کلیات نیازی