عاصیاں او گنہاراں اُتے رب نے کرم کمایا اے
دو عالم دی رحمت بن کے کملی والا آیا اے
جس دے نور وجود دا سایا دھرتی تے ناں پیندا سی
اوسے رب دے نُور نبی دا دو جگ اُتے سایا اے
حاضر ناظر کملی والا جان دا سارے غیباں نوں
ناں خود اس توں لکیا اللہ ناں کچھ ہور لُکایا اے
جس وی شے نوں ہتھ لگا اے نُور منیر محمد دا
اُس نوں سورج تے چن نالوں ودھ سوہنے چمکایا اے
قطب ستارے اندر اوسے نور دی جلوہ ریزی سی
جہنوں آمنہ پاک نے جنیاں گود حلیمہ چایا اے
جے ناں تینوں پیدا کردا میں افلاک بناؤندا ناں
ناں رب ہونا ظاہر کرنا رب نے خود فرمایا اے
پاک نبی دا پایا صائم ہور کسے نے پایا ناں
بلکہ نبیاں نے ہر پایا نبی میرے توں پایا اے
شاعر کا نام :- علامہ صائم چشتی
کتاب کا نام :- کلیات صائم چشتی