ہے ربط رہتا سدا حسن کے نزول سے ہے

ہے ربط رہتا سدا حسن کے نزول سے ہے

ہماری عید جُڑی نعت کے حصول سے ہے

---

سبھی بہارِ چمن فاطمہؓ کے پھول سے ہے

نگارِ دینِ متیں نوشۂ رسولؐ سے ہے

---

رحیم آقاؐ ہمیں یاد ہیں سدا رکھتے

ہمارا واسطہ گرچہ ہمیشہ بھول سے ہے

---

نہ آپؐ ہوتے تو ہوتا کسی رسول کا نام؟

’’نبوّتوں کو شرف خاصۂ رسولؐ سے ہے‘‘

---

چمک فلک کے ستاروں کی، کہکشائوں کی

مرے حضورؐ کے قدموں کی پاک دھول سے ہے

---

رسولِؐ پاک کی مرضی خدا کی ہے مرضی

رضا خدا کی میسّر اسی اصول سے ہے

---

وہؐ اپنے چاہنے والوں کی بات سنتے ہیں

یہی کلام ہمارا دلِ ملول سے ہے

---

وہ بے شمار کرم آپؐ کی ہے فطرت میں

کہ جس پہ بند لگا عرض سے نہ طول سے ہے