چوم کر جب درِ اقدس کو ہَوا آتی ہے
اِک نئے رنگ سے ماحول کو مہکاتی ہے
اُنؐ کی ہی یاد سے ملتی ہے دلوں کو تسکیں
اُن ؐکے ہی ذکر سے رحمت کی گھٹا چھاتی ہے
اُنؐ کے فیضانِ کرم نے ہَے سنبھالا ہم کو
ورنہ دنیا تو ہر اِک گام پہ ٹھکراتی ہے
ربّ سے ملنا ہے تو پھر اُنؐ کو بنا لو اپنا
ایک اِک آیہِ قرآں یہی سمجھاتی ہے
جب کبھی روضئہِ اِقدس کا تصوّر باندھوں
ایک خوشبو سی مِرے دل میں اتر آتی ہے
محفلِ نعت میں خود رحمتِ حق بھی فیضیؔ
مِدحتِ سرورِ کونینؐ پہ اِتراتی ہے
شاعر کا نام :- اسلم فیضی
کتاب کا نام :- سحابِ رحمت