دکھاں جد گھیرا پا لیا مینوں
سوہنے در تے بلا لیا مینوں
اپنے سمجھن پرایا کوئی غم نئیں
سوہنے اپنا بنا لیا مینوں
اک غم یار دے کے مولا نے
سب غماں تو بچا لیا مینوں
میں تے ڈردا ساں اپنے عملاں توں
سینے رحمت نے لا لیا مینوں
ہور میرے کسے نہ کجھ نہ سنی
نعت نے بخشوا لیا مینوں
گھیریا جد کسے وی مشکل نے
سوہنے آ کے چھڑا لیا مینوں
ہن ظہوریؔ میں ہور کیہہ ویکھاں
سوہنا روضہ وکھا لیا مینوں
شاعر کا نام :- محمد علی ظہوری
کتاب کا نام :- صفتاں سوہنے دیاں