اس نظر کے مقدر کی کیا بات ہے جس کو تیری نظر کا سہارا ملے

اس نظر کے مقدر کی کیا بات ہے جس کو تیری نظر کا سہارا ملے

دو جہاں اس کی نظروں میں کچھ بھی نہیں تیرے جلووں کا جس کو سہارا ملے

---

ذرے ذرے پہ آقا عنایت تیری فرش کیا عرش پر ہے حکومت تیری

چاند آتا ہے دینے شہادت تیری تیری انگلی کا جب بھی اشارہ ملے

---

تیری تصویروں کے نگینے میں ہو خاتمہ زندگی کا مدینے میں ہو

دو جہاں کی اسے بادشاہی ملے جس کو آقا تمھارا دوارا ملے

---

کچھ نہیں غم اگر غم کا طوفان ہے میرا غمخوار مدنی پر ایمان ہے

نا خدا جس کا طیبہ کا سلطان ہے اس کی کشتی کو کیوں نہ کنارا ملے

---

بحر عصیاں کو میرے بھی ساحل ملے اس مسافر کو بھی کوئی منزل ملے

بات بگڑی ہوئی میری بن جائیگی حشر میں ساتھ آقا تمھارا ملے

---

عاصیو تھام لو دامن مصطفے کہہ رہا ہے خدائی سے خود ہی خدا

اس پہ ہوتی ہے معراج بخشش فدا جس کو معراج کا وہ دولارہ ملے

---

اب نیازی کو بھی حسن کی دید ہو اس گدائے محبت کی بھی عید ہو

پوری یہ آخر میری امید ہو میری قسمت کا روشن ستارا ملے