جد کنکر تیں مارے
توں مارنے نہیں محبوبا، اوہ کنکر میں مارے
جتھے پیر اوہ پاندا اے
رات دے ویلے وی اوتھے دن چڑھ جاندا اے
کوئی نال نہیں رل سکدا
حسن محمد دی کوئی جھال نہیں جھل سکدا
لکھ طور بنا دیندا
ستر ہزار وچوں گُھنڈ اک وی بے چاء دیندا
کد اوہناں نوں شک پیندے
آقا دے مکھڑے چوں جہڑے رب نوں تک لیندے
قرآن پیا آکھے
اُس دی اَدا تائیں رب اپنی ادا آکھے
ویکھن وچ تیرے نے
در اصل ایہہ ہتھ تیرے ، ہتھ سوہنیا میرے نے
سب خاطر تیری اے
لب تیرے ہلدے نے گل سوہنیا میری اے
انج صائم جاواں گا
مرن دے ویلے وی اوہدی نعت سناواں گا
شاعر کا نام :- علامہ صائم چشتی
کتاب کا نام :- کلیات صائم چشتی