کدی میں ول موڑ مہار سجن
میڈے سوہنے سانول یار سجن
ہر دم تیڈی خیر چا تھیوے
من من منتاں بالاں دیوے
جد آوے پیر دا وار سجن
کدی میں ول موڑ مہار سجن
تیں بن میرا ہور نہیں کوئی
میں بے زور دا زور نہیں کوئی
میں آر تے توں ایس پار سجن
کدی میں ول موڑ مہار سجن
کوئی نہ دیوے تیریاں خبراں
پیش پئیاں میرے زیراں زبراں
ہویا شد مد نال وہار سجن
کدی میں ول موڑ مہار سجن
میں تتڑی دی جھوک وسا جا
من گھن عرض تی دی ڈھولا
نہ موئی نوں توں مار سجن
کدی میں ول موڑ مہار سجن
ہنجواں دے دریا پئے وگدے
یاد تیڈی وچ نین نہ لگدے
آ تتڑی دا من ٹھار سجن
کدی میں ول موڑ مہار سجن
ہو جاوے جے ڈھولن راضی
کوئی نہ آکھے کون نیازی
تیڈی آکھن باندی یار سجن
کدی میں دل موڑ مہار سجن
شاعر کا نام :- عبدالستار نیازی
کتاب کا نام :- کلیات نیازی