کون جانے مرتبہ سرکار تیرے شہر دا
بادشاہ وی اے گدا اے یار تیرے شہر دا
دل ہے دیوانہ مرا سرکار تیرے شہر دا
مر کے وی بھلناں کدی نہیں پیار ترے شہر دا
وار دیواں شہر تیرے توں میں اس دنیا دا پیار
پیاریاں توں وی اے پیارا پیار تیرے شہر دا
ہے مرے دل دی تمنا مدتاں توں یا نبی
کرلواں دیدار میں اک وار تیرے شہر دا
تیرے در دے باہجھ آقا نئیں کتوں ملنی شفا
دارو میرے روگ دا دیدار تیرے شہر دا
دید دا دارو اے کافی تیرے اس بیمارنوں
نئیں شفاواں منگدا بیمار تیرے شہر دا
جہنے تیرے مے کدے چوں اک واری پی لئی
مڑ کتوں پیندا نئیں اوہ میخوار تیرے شہر دا
اوس دی قسمت تے مینوں رشک اوندا اے بڑا
بن دا اے مہماں جو دن چار تیرے شہر دا
ہے نیازی دی ایہو ای زندگی تے بندگی
ذکر میں کردا رواں سرکار تیرے شہر دا
شاعر کا نام :- عبدالستار نیازی
کتاب کا نام :- کلیات نیازی