لب پہ جاری جو ذکرِ نبی ہو گیا

لب پہ جاری جو ذکرِ نبی ہو گیا

گھر مرا روشنی روشنی ہو گیا

---

آپ آئے تو یثرب مدینہ ہوا

پھر شِفا وہ دیارِ نبی ہو گیا

---

وہ جو آئے ، دلِ عاصیاں کِھل اُٹھے

ہر زباں پر نبی یا نبی ہو گیا

---

اُن کا ہجرت میں تھا جو رفیقِ سفر

وہ لحد میں رفیقِ نبی ہو گیا

---

جس پہ چشمِ کرم ہوگئی آپ کی

وہ عُمر جیسا مردِ جری ہو گیا

---

آپ کے نُور سے جو نوازا گیا

مرحبا ! مرحبا وہ غنی ہو گیا

---

ہاتھ تھاما ، کہا جس کو 'اَنتَ اَخِیٰ

تا قیامت وہ مولا علی ہو گیا

---

شُکر ہے اب مُجھے کوئی حاجت نہیں

وہ کرم مُجھ پہ میرے سخی ہو گیا

---

ہے جلیل اُن کی مدحت وظیفہ مرا

قبر کے واسطے روشنی ہو گیا