مظہر ذاتِ خدا فخرِ رسالت لکھنا
ماہِ طیبہ کو شہنشاہِ نبوّت لکھنا
خُلقِ سرکار کو قرآن کی آیت لکھنا
ذکرِ سرکار کو قرآں کی تلاوت لکھنا
ہر گھڑی لکھتے رہو نعتِ شہنشاہِ امم
گل کی، بلبل کی نہ رنگین حکایت لکھنا
سر پہ ہے بوجھ گناہوں کا، اغثنی مولیٰ
میری قسمت میں محمد کی شفاعت لکھنا
شاہِ کونین کی عظمت پہ قصیدہ لکھیے
کم عبادت سے نہیں، آپ کی مدحت لکھنا
آرزو ہے درِ سرکار پہ جائے احمدؔ
اس کی تقدیر میں روضے کی زیارت لکھنا
۔۔۔٭٭
شاعر کا نام :- مولانا طفیل احمد مصباحی
کتاب کا نام :- حَرفِ مِدحَت