لجپال نبی میرے درداں دی دوا دینا
جد وقت نزع آوے دامن دی ہوا دینا
مر چلیاں ہاں رو رو کے، وچ ہجر دے محبوبا
بے چین نگاہواں نوں دیدار کرا دینا
دل روندا اے جاندے نے جد لوک مدینے نوں
ہن سانوں وی یا آقا دربار دکھا دینا
سرکار دی محفل وچ جھولی ہاں وچھا بیٹھے
لج رکھ لویں لجپالا ، خالی ناں اُٹھا دینا
خیرات عطا کرنا سرکار دی مرضی اے
میرا تے سی کم ایناں جھولی نوں وچھا دینا
صائم دی تمنا ایں رہواں آکے مدینے وچ
خواہ طیبہ دے کتیاں دے پیراں چ بٹھا دینا
شاعر کا نام :- علامہ صائم چشتی
کتاب کا نام :- کلیات صائم چشتی