مار ناں توں مینوں رول رول سوہنیا
سد ہُن اپنے توں کول سوہنیا
کر دے مدینے ولے راہی جاں مدینے دے
بلدى فراق والی اگ وچ سینے دے
دُکھ کیہنوں دساں پھول پھول سوہنیا
دُکھ نے ہزاراں شابا جان میری کلی انے
اکھیاں دی بیڑی ڈب ہنجواں چہ چلی اے
ڈبدا اے دل ڈول ڈول سوہنیا
جم جم موت آوے موت توں کی سنگناں
موت پر شاہا میں مدینے وچ منگناں
واراں تیتھوں جان میرے ڈھول سوہنیا
صائم ایں فراق والا ناگ رہندا ڈسدا
کول وی ایں وسدا تے پتہ وی نہیں دسدا
تھک گئیاں آکھاں ٹول ٹول سوہنیا
شاعر کا نام :- علامہ صائم چشتی
کتاب کا نام :- کلیات صائم چشتی