میرا جینا اے اللہ! اب تو ایسا جینا ہو

میرا جینا اے اللہ! اب تو ایسا جینا ہو

یادِ مصطفیٰؐ سے دل نُور کا خزینہ ہو

---

حشر کی دعائوں میں بس مِری دعا ہے یہ

قبر سے جو اُٹھوں تو سامنے مدینہ ہو

---

اِس کے بادبانوں پر اُنؐ کا نام لکھا ہے

تند و تیز طوفاں میں کیوں مِرا سفینہ ہو؟

---

خلد کے گلابوں کی اِک یہی تو خواہش ہے

بس ہماری خوشبو میں آپؐ کا پسینہ ہو

---

پھر مِرے نصیبوں میں آپؐ کا بلاوا ہو

پھر وہی سلامی ہو پھر وہی مہینہ ہو

---

آرزو ہے اے فیضیؔ نعت کے اجالوں سے

زندگی ہماری بھی روشنی کا زینہ ہو