نہ سُر کی مجھ کو خبر ہے نہ جانتا ہوں میں لَے

نہ سُر کی مجھ کو خبر ہے نہ جانتا ہوں میں لَے

مگر بسی مری سانسوں میں مدحتوں کی ہے نَے

---

میں نام آپؐ کا لوں جب تو پیاس میری بجھے

عجیب فیض کی حامل ہے حبِّ شاہؐ کی مے

---

محیطِ روضۂ اطہر میں محو ہو کے کھلا

ارم ہے اس کے مقابل نہ خلد ہے کوئی شے

---

بتا رہی ہے ہمیں آج بھی حدیثِ کِسا

کہ پنجتن کے مقابل ہیں دو نہ چار نہ چھے

---

نبوّتوں کا شرف خاص ہے یہی طاہرؔ

’’نبوّتوں کو شرف خاصۂ رسولؐ سے ہے‘‘