اوہ وقت سوہنے کہ مری سرکار اون گے
درداں دے مارے جد تیرے دربار اون گے
سمجھاں گا اودوں چمکیا تارا نصیب دا
نظر طیبہ دے درودیوار اون گے
مشکل بنے تے آقا نوں آواز دے لویس
ہر بھیڑ وچہ امداد لئی سرکار اون گے
تاہیوں تے غم دیاں دولتاں رکھدا ہاں سانبھ سانبھ
غم ہون گے بے کول سے غمخوار اون گے
سختی بنی ہے قبر وچہ ایمان ہے میرا
طیبہ دے وچوں میرے مددگار اون گے
ساقی نے ایسے واسطے میخانہ کھولیا
بخشش را جام بین لئی میخوار اون گے
پچھیں توں ہتھ جوڑ کے سوہنے نوں اے صبا
گھر وچہ میرے کدوں مٹھل من ٹھار اون گے
کونین دے حبیب دی محفل سجا لوؤ
سوہنے دے نال سوہنے دے سب یار اون گے
بڑھ کے نیازی سوئیاں کر نغمے درود دے!
خواہاں چہ تیرے سید ابرار اون گے!
شاعر کا نام :- عبدالستار نیازی
کتاب کا نام :- کلیات نیازی