پیاس اکھیاں دی بجھاندے نیں نصیباں والے
تیرے دربار تے جاندے نیں نصیباں والے
یاد وچہ اکناں دی لنگھدی اے حیاتی ساری
دید دی عید مناندے نیں نصیباں والے
نین ہسدے ہوئے ملدے نیں ہزاراں لکھاں
رونا اکھیاں نوں سکھاندے نیں نصیباں والے
روگ دلبر دی محبت دا دلاں نوں لا کے
عمر دا روگ گواندے نیں نصیباں والے
درد وچہ وی بڑی لذت اے جے کوئی جانے
ناز دلبر دے اٹھاندے نیں نصیباں والے
انج تے ہر کوئی ظہوریؔ اوہدی تعریف کرے
نعت سوہنے نوں سناندے نیں نصیباں والے
شاعر کا نام :- محمد علی ظہوری
کتاب کا نام :- کِتھے تیری ثناء