روون دا مزہ آیا سرکار دے دَر اُتے
اکھیاں نے سکوں پایا سرکار دے در آتے
ہر لمحے تے ہر ویلے انوار الہی دا
فیضان رہوے چھایا سرکار دے در اُتے
میرے جہئے مُجرم نوں عاصی نوں گناہی نُوں
رحمت نے سی اپنایا سرکار دے در اُتے
پتلا ساں خطاواں دا بھریا ساں گناہواں دا
رب رحم سی فرمایا سرکار دے در اُتے
موسم دے بدلنے دا ہندا نہیں اَثر اوتھے
رحمت دا رہوے سایا سرکار دے در اُتے
بھکھا ناں رہوے کوئی مہمان مدینے دا
لنگر اے خُدا لایا سرکار دے در اُتے
مِٹی سی سدا کیتی صائم میں خراب اپنی
کیوں جاوندا دفنایا سرکار دے در اُتے
شاعر کا نام :- علامہ صائم چشتی
کتاب کا نام :- کلیات صائم چشتی