کونین دے مالک تے مختار دیاں گلاں
من ٹھار دیاں سب دامن ٹھار گلاں
بن پیتیاں مستاں دا دل مست کری جاون
اس ساقی کوثر دے میخوار دیاں گلاں
دل کردا اے جا پہنچاں سرکار دی چوکھٹ تے
کردا اے جدوں کوئی سرکار دیاں گلاں
ہر درد دا دارو اے غم دا منداوا اے
اس امت عاصی دے غم خوار دیاں گلاں
پھل بخشش و رحمت دے بن پانی کھڑے رہندے
کی پچھدے او طیبہ دی گلزار دیاں گلاں
جس ویلے مدینے دی مینوں یا دستاوندی اے
میں چھیڑ کے بہہ جاناں دربار دیاں گلاں
اللہ دی رحمت دے کھل جان کے دروازے
توں پیار تھیں کریا کر سرکار دیاں گلاں
اک شام ابد دی اے اک نور ازل دا اے
محبوب دے گیسوتے رخسار دیاں گلاں
ہے انج نے پتہ سارا سوہنے نوں نیازی دا
دس دیوے کوئی پھر وی لاچار دیاں گلاں
شاعر کا نام :- عبدالستار نیازی
کتاب کا نام :- کلیات نیازی