سد در تے سوہنیا روضے دا دیدار کرن نوں جی کر دا
جند جان نوں تیری چوکھٹ تے بلہار کرن نوں جی کردا
سُن تذکرے تیری رحمت دے اے کملی والیا محبوبا
ہُن سامنے ہو کے عیباں دا اقرار کرن نوں جی کر دا
ایہہ میں نہیں جاندا رب دی سونہہ ہے کفر یا جان ایمان دی اے
چھڈ روضہ جنت جاون توں انکار کرن نوں جی کر دا
رب پاک ہے دل توں من لیناں اک گل پر واعظ سمجھا دیہہ
کیوں کول بلاندا رب دا ناں جے پیار کرن نوں جی کردا
ایہہ سورج چن ستارے کی اک روضے پاک دے جلوے توں
سو وار صدقے ایہہ سارا سنسار کرن نوں جی کردا
ایمان ہے میرا ظاہر ہے سب حال تساں تے صائم دا
پر فیر وی شاہا ہر غم دا اظہار کرن نوں جی کر دا
شاعر کا نام :- علامہ صائم چشتی
کتاب کا نام :- کلیات صائم چشتی