صدقے جاواں میں نبی دی ذات توں
بیڑیاں ڈبیاں ہویاں جس تاریاں
سب نبی نے شاناں والے سوہنیاں
تیریاں منیاں گیاں مختاریاں
عظمتاں دا تاج پا کے رب سچے
بخشیاں سوہنے نوں سب سرداریاں
کتھے جاواں کہنوں آکھاں سوہنیاں
سن لے مسکیناں دیاں دی زاریاں
یا خدا صدقہ نبی دی آل دا
کھول دے اپنے کرم دیاں باریاں
ٹل گیاں سر توں بلاواں ساریاں
لا لیاں جد توں نبی نال یاریاں
سبز گنبد دے نظارے یاد نے
بھل گیاں نے ہور گلاں ساریاں
کئیاں کئی کئی وار دتی حاضری
میریاں آئیاں نہ مڑ کے واریاں
صدقے جاں صدیق دی قسمت اتوں
کیتیاں جس نے نبی سواریاں
سوہنیاں اپنے کرم دی خیر پا
ساڈیاں دیکھیں نہ اوگنہاریاں
یاد بن گئے اوہ نیازی جگ دے
جہاں لائیاں سوہنے دے سنگ یاریاں
شاعر کا نام :- عبدالستار نیازی
کتاب کا نام :- کلیات نیازی