سوہنے دا سوہنا نگر وسدا روے
رحمتاں والے دا در وسدا روے
ذکر ہووے جیہڑے گھر سرکار دا
حشر تک اللہ اوہ گھر وسدا روے
جتھوں منہ منگیاں مراداں ملدیاں
میرے آقا دا اوہ در وسدا روے
جو مدینے دے سفر وچہ نال سی
یا خدا اوہ ہمسفر وسدا روے
لیکے جو پیغام آیا آپ دا
اوہ نبی دا نامہ بر وسدا روے
آپ دی رحمت دا مینہ یا مصطفی
عاصیاں تے عمر بھر وسدا روے
خیر پا اپنے کرم دی سوہنیاں
تیرے ہر منگتے دا گھر وسدا روے
نام لیوا جو وی ہے سرکار دا
رئے جدوں تک بے خطر وسدار وے
ہے نیازی دی دعا مرنے توں بعد
رئے قبر زندہ تے گھر وسدا روے
شاعر کا نام :- عبدالستار نیازی
کتاب کا نام :- کلیات نیازی