اُنگلی نوں ذرا ہلا کے چن توڑ دکھایا سوہنے نے
کعبے وَل رُخ پرتا کے قبلہ بدلایا سوہنے نے
بے صورت نے صورت دے وچ آ جلوہ فرمایا
مالی اپنے گلشن تائیں آپے ای ویکھن آیا
دنیا نوں رُوپ وٹا کے حیرت وچ پایا سوہنے نے
فرش توں لیکے عرشاں تیکر ہے اوسے دی شاہی
حجر شجر سورج چن تارے اُس دی دین گواہی
حیدر لئی کرم کما کے سورج پرتایا سوہنے نے
کرم اوہدے دیاں دُھماں پئیاں کوہجیاں نوں گل لاوے
آپ کرے دن راتیں فاقے خلقت کُل رجاوے
غاراں وچ اشک بہا کے اُمت نوں بچایا سوہنے نے
خُلق اوہدے دیاں دھماں پئیاں خلقت دوڑی آوے
جو آوے ہو اوہدا جاوے مُڑ کے فیر نہ جاوے
زُلفاں دے پیچے پاکے جگ موہ دکھلایا سوہنے نے
ہر ذرے وچ جلوہ اُسدا ہر ہر تھاں اوہ وسے
اوہ رووے تے دُنیا روندی اوہ ہسے جگ ہسے
صائم تے کرم کما کے ہے اپنا بنایا سوہنے نے
شاعر کا نام :- علامہ صائم چشتی
کتاب کا نام :- کلیات صائم چشتی