اوہ جس نے قوم مسلم نوں دکھایا راہ وحدت دا
غلاماں نوں سبق دتا امامت دا قیادت دا
جوانی عزتِ اسلام نوں جس نے وکا دتی
ضعیفی ملتِ اسلام توں جس نے لٹادتی
اوہ جس نے اپنی دانش نال قوم اک جان کر دتی
اوہ جس دی عقل نے مخلوق سب حیران کردتی
اوہ جس نے پھر غلاماں نوں شہنشاہی دوا دتی
کئی سو سال دی مردہ حقیقت پھر جوا دتی
سیاستدان ڈردے سن جہدے زورِ سیاست توں
لرز دا ویکھیا اے کفر نوں جس دی فراست توں
اوہ جس ہستی نے اعظم سانوں پاکستان لے دتا
اساڈا مدتاں دا کھسیا ایمان لے دتا
اوہ بھانویں ٹر گیا اے پر اوہ دی عطمت تے باقی اے
اوہدی روحانیت زندہ اوہدی جرات تے باقی اے
میرا ایمان ہے جد تک ساڈا اسلام زندہ اے
اساڈے قائدِ اعظم دا پیارا نام زندہ اے
شاعر کا نام :- محمد اعظم چشتی
کتاب کا نام :- کلیاتِ اعظم چشتی