رونقِ بزم چشتیاں روحِ روانِ گولڑہ
فخرِ شہانِ دو جہاں باعثِ آنِ گولڑہ
تیری طفیل بن گئی یہ سر زمین رشکِ طور
تیرے قدم سے بڑھ گئی عظمت و شانِ گولڑہ
ملکِ عرب میں تیری دھوم اہل عجم میں تیرا شور
کون نہیں ترا اسیر اے دل و جانِ گولڑہ
ہر روز روزِ عید ہے ، ہر شب شبِ برات ہے
کتنے ہو خوش نصیب تم اے ساکنانِ گو لڑہ
آب و ہوائے گو لڑہ راحتِ جانِ عاشقاں
سرمہء چشم عارفاں خاکِ جہانِ گو لڑہ
اعظؔم بھی تو اُنھیں ترے پروردگانِ در سے ہے
جن کو نہ مِل سکی اماں جُز آستانِ گو لڑہ
شاعر کا نام :- محمد اعظم چشتی
کتاب کا نام :- کلیاتِ اعظم چشتی