دل میں نہیں بسایا تیرے سوا کسی کو

دل میں نہیں بسایا تیرے سوا کسی کو

دل سے نہیں لگایا تیرے سوا کسی کو

---

تیری گلی میں گھوما آقا تری ہی خاطر

مولا نہیں بنایا تیرے سوا کسی کو

---

چومیں نہیں فصیلیں ترے سوا کسی کی

سر پر نہیں بٹھایا تیرے سوا کسی کو

---

کھولے نہیں دریچے دل کے کسی کے آگے

یہ دل نہیں دکھایا تیرے سوا کسی کو

---

مانگی نہیں کسی سے تیرے سوا پناہیں

دُکھڑا نہیں سنایا تیرے سوا کسی کو

---

ارض و سما سے بڑھ کر دل کے حسیں محل میں

آقاؐ! نہیں بُلایا تیرے سوا کسی کو

---

حب نبی کا انجؔم مجھ کو ملا جو ساغر

مَیں نے نہیں پلایا تیرے سوا کسی کو