دو جگ دے مختار محمد دو جگ دے مختار
نبیاں دے سردار محمد نبیاں دے سردار
رُخ والشمس تے ابرو طہ لب یوحی نورانی
اکھ بازاغ تے ہتھ یداللہ مطلع فجر پیشانی
عرش دے شاہ اسوار محمد عرش دے شاہ اسوار
سب توں سوہنا سب توں اعلیٰ ہر بالا توں بالا
پاک محمد سرور عالم کالی کملی والا
امت دے غمخوار محمد اُمت دے غمخوار
دیس عرب دا یا ہی سوہنا عرش و فرش دا والی
اُسدے در توں منگن والا کدی نہیں مُڑیا خالی
داتیاں دے داتار محمد داتیاں دے داتار
نور جبین منور چہرہ بدر منیر پیارا
سورج پرت پیچھاں نوں آوے اُسدا دیکھ اشارا
چن نوں لین اُتار محمد چن نوں لین اُتار
ہر دم کراں دعاواں نالے ایہو عرض سناواں
چمکے قدم منور اسدے خوشی چڑھے مر جاواں
جے دیون دیدار محمد جے دیون دیدار
لگیاں رہن اُڈیکاں ہر دم کدوں حبیب بلاوے
کدوں نصیبا جاگے میرا رحم کدوں فرماوے
نبیاں دا سالار محمد نبیاں دا سالار
ہجر ترے وچ مرمک چلیا رو رو صائم تیرا
کد پیناں ایں در تیرے تے مجبوراں دا پھیرا
سد لئو ہُن اک وار محمد سد لئو ہُن اک وار
شاعر کا نام :- علامہ صائم چشتی
کتاب کا نام :- کلیات صائم چشتی