دنیا دے ذرے ذرے تے اج عجب بہاراں آئیاں نے
محبوب خدا دی آمد تے رحمت دیاں بدلیاں چھائیاں نے
غم امت دے سب دور ہوئے دو عالم نور و نور ہوئے
فرشاں دی گل تے اک پاسے پیاں عرشوں پار دہائیاں نے
واللیل دی زلفاں والے نوں اساں عاصیاں دے رکھوالے نوں
لے آپ حلیمہ ٹرپی سی جہینوں چھڈ دتا سی دائیاں نے
آیا یار من اللہ ولے ویسوں پر لوکاں نے پہچانیاں نہ
ایہہ بشر تے ساڈے ورگا اے پا شور دتا سوادائیاں نے
نہ کر تنقیداں بے خبرا محبوب مدینے والے تے
تیری بخشش خاطر رو رو کے راتاں سرکار لنگھائیاں نے
محبوب دا صدقہ کھانے آں اوہدے نام دے گن پئے گانے آں
اوہدے دم تھیں نیازی جگ وسدا گلاں سچیاں کھول سنائیاں نے
شاعر کا نام :- عبدالستار نیازی
کتاب کا نام :- کلیات نیازی