گلشن میں یہ بہار تمہاری نظر سے ہے

گلشن میں یہ بہار تمہاری نظر سے ہے

پھولوں پہ یہ نکھار تمہاری نظر سے ہے

---

اسلام کا وقار تمہاری نظر سے ہے

مسلم کا اقتدار تمہاری نظر سے ہے

---

آسُودہ ہر نگاہ تمہارے کرم سے ہے

دیں سب کا پائیدار تمہاری نظر سے ہے

---

اسلامیوں کی عزّت و ناموس و آبرو

آقائے نامدارؐ! تمہاری نظر سے ہے

---

باقی نہیں ہے جام میں روحانیت کی مَے

جتنا بھی ہے خُمار تمہاری نظر سے ہے

---

میخانہء الست کے ساقی تمہی تو ہو

تائبؔ بھی میگسار تمہاری نظر سے ہے