جی کردا ویکھاں اوہ نگری جتھے رحمت جھڑیاں لائیاں نے
جتھے وسدا داتا دو جگ دا جس ڈبیاں تار وکھائیاں نے
ودھ طُور توں پربت بطحا دے ودھ جنت نالوں اوہ غاراں
جھتے رو رو ساڈی بخشش لئی راتاں سرکار لنگھائیاں نے
چُم چُم کے روضہ اطہر نوں پلکاں تھیں جھاڑو جا دیواں
ودھ عرش علی توں اوہ گلیاں جتھے جھوکاں یار وسائیاں نے
اوہ منظر گُنبد خضری دا جی کردا ویکھاں رج رج کے
جتھے فیض دی خاطر فلکاں توں آملکاں جُھگیاں پائیاں نے
جند لکھ وی ہووے تے واراں اک بطحا نگر دے نظارے توں
جھتے کھا کھا مار بلال ہوراں انج لگیاں توڑ نبھائیاں نے
صائم نُون سد لے روضے تے اے شاہا کملی والڑیا
من صدقہ شاہ کربل دا جس دتیاں وار کمائیاں نے
شاعر کا نام :- علامہ صائم چشتی
کتاب کا نام :- کلیات صائم چشتی